Ab aevo cambodienses christiani in sui famulatum emunt laossenses aliosque ex populis confinibus, idque agunt etiamsi dubium fundatum sit, immo etiamsi aliquando certo sciant, quod illa mancipia fuerint in patria sua furto ablata.
R. Instructio Pii PP. VI: In primis distinguendum est, num captivi laossenses qui a plagiariis veneunt, sublati fuerint legitimo eorum domino, vel potius liberi ac proprii iuris in plagiariorum iniustam servitutem devenerint. In primo casu non licet eos emere; etsi enim iniuste a plagiariis detineantur, nefas tamen est alineas res furto ablatas emere invito domino. In secundo casu iterum pariter distinguendum est, num laossenses se christianis venum ire detrectent, vel consentiant: si detrectent, emi nequamquam possunt, ipsi enim captivi domini sunt propriae libertatis, quamvis iniuste iis per furtum a plagiariis ereptae. Si vero postquam plene edocti fuerint iure sibi libertatem competere, a qua nonnisi aliorum iniuria exciderunt, ultro et sponte sua, et ex libera et propria voluntate, tamquam rerum suarum domini, se exhibeant christianis ut ab eis recipiantur et detineantur in servitutem eo prudenti consilio ut a graviori et dura plagiariorum servitute soluti, a qua ipsis datum non fuerit alio modo se emancipare, mitiorem apud emptores christianos servitutem sortiantur, penes quos etiam facile sibi persuadere poterunt, venire posse in agnitionem veri Dei cultus, eumque inaestimabili animarum suarum compendio profitieri; in his sane circumstantiis permitti poterit christianis, habito etiam respectu ad favorem fidei, ut possint eiusmodi captivos iusto pretio sibi comparare, et in propriam servitutem redigere et retinere, dummodo eo animo sint, ut eos tractent secundum praecepta caritatis christianae, et current etiam rudimentis fidei illos imbuere, adeo ut, si feri poterit, in libertatem filiorum Dei, quae in sola Catholica Ecclesia est, nulla tamen coactione facta, sed tantummodo opportunis suasionibus et hortationibus, libere et feliciter traducantur per eorum conversionem ad veram fidem.
No hay comentarios.:
Publicar un comentario